هــــــام "مناقشة طريقة الارسال والشكل النهائى للرسائل"

السلام عليكم

حاليا طبعا فى مرحلة تجميع منتديات وايميلات
لكن عاوزين نتفق على طريقة الارسال وكمان الشكل النهائى للرسائل
عشان تبقى داتا متجمعه ومتظبطه تحت ايدنا ويبقى امر الارسال سهل

اول حاجة طريقة الارسال
اقتراحى

1_ارسال رسالتين فى الاسبوع

2_الارسال لاكبر عدد ممكن من الشباب والبنات
الشباب للشباب والبنات للبنات

3-النشر فى المنتديات يكون فى منتديات عاديه
لان المنتديات الاسلاميه مش محتاجه توعيه
هنحتاجها فى الدعايا ويكونوا معانا فى الشغل واعتقد لجنة الدعايا قايمه بالواجب ماشاء الله
واللى يحب يساعد فى دعايا مفيش مشكله

4_مراعاة اللهجه قدر الامكان يعنى مش كلنا لغه عربيه جامدين
فنحاول تكون لغه عربيه سهله للكل يفهمها لان مش كله بيفهم لهجة الاخر

مممممممم اعتقد مش فى حاجة معينه تانى
ياريت حضراتكم تقترحوا بقى لحد ما نتفق على الطريقه الافضل والاريح للكل


تانى حاجة

الشكل النهائى للرسائل
دى الرسائل بالترتيب اللى هتتبعت بيه
المطلوب بقى يعنى لو حد شايف حاجة عاوزة تتلخص "تزيد "تنقص
يعنى تتظبط يقول عشان نظبط كل حاجة



الصلاه حكمها وفضلها
https://hwhk.yoo7.com/montada-f7/topic-t417.htm

شروط الصلاة ومبطلاتها

https://hwhk.yoo7.com/montada-f7/topic-t377.htm

كيفية الصلاة وعقوبة ترك الصلاة

https://hwhk.yoo7.com/montada-f7/topic-t419.htm

الخشوع فى الصلاة

https://hwhk.yoo7.com/montada-f7/topic-t374.htm

كيف نصل الى الخشوع

https://hwhk.yoo7.com/montada-f7/topic-t411.htm

رسالتين الخشوع شوفو لو هندمجهم ونلخص ولا واحده كفايه
يعنى الانسب

معل طولت اوى عليكو بس عاوزين ننجز

ما دا الا المفروض يحصل ولا ايه نظامك يا رودى ؟؟؟؟؟؟؟؟؟؟

على فكرة صعب جدا ان كل الرسائل تندمج فى رساله واحدة و الرسائل لا يوجد بها شى مكرر حتى نحذفه
و ممكن نضبطهم بحيث تكون الرسائل او عند الوضع فى المنتديات تكون على عده مراحل
مش على مرحلة واحدة
و ان شاء الله هذا سيكون افضل

السلام عليكم ...

ما اعتقدش ان دمج الرسائل كلها في رسالة وحدة فكرة كويسة
بس على رسالتي الخشوع ممكن ندمجها في واحدة ..

ياجماعه مش هنحذف حاجه انا اعتقد اننا هنقرا كل الرسايل وبعدين نلخص كل الرسائل بطريقه بسيطه وسهله ونتوصل للمعلومات الهامه فى الرساله وبكده مش هنخلى القارىء يمل ويفهم مضمون الرساله بدل ما نبعتله يجى 5 او 6 رسائل اعتقد ان بكده هننجح فى دمجهم دا راى لكن طبعا انا بحترلام ارائكم ووجهات نظركم والا هنقدر ننفذه هو الا هيمشى انا اقصد ان بكده نبسط الموضوع للقارىء ونسهلها عليه مش اكتر

انا برايي تكون الرسائل على مراحل حتى لا يمل القارئ
و في نهاية كل جزء نكتب فقرة صغيرة تشوقه للجزء التالي
و ممكن ايضا لما نرسل الكل و نخلص، نرسل رسالة في ملخص صغير لكل الرسائل يضم الاهم.. (مع العلم ان كل الرسائل مهمة ... لكن نجمع الافكار الهامة)
فيما يخص البقية تمام
جزاكم الله خيرا

انا برضو بالنسبه لدمج كله هتبقى صعبه احنا عاوزين يبقى الموضوع
على كذا مره عشان ميتنسيش ويبقى فى تشويق واهتمام والاهم
انه يبقى الموضوع متكامل

وانا موافقه جدا على اقتراح ساره كده حلو اوى اوي
تسلمى يا ساره

طيب بالنسبه لرسالة الخشوع
ممكن حد منكم بقى رباب او شموخ عزى اتفقوا يعنى
تدمج الاتنين وتلخصهم عشان تكون كامله ومشوقه ومش طويله

طيب بالنسبه لباقى الرسايل انا حاساهم كويسين كده

وبرضو رايكم مش قلتوا نبعت كام مره فى الاسبوع؟؟؟؟؟؟؟؟؟؟؟؟

هما كلهم ان شاء الله هيكونوا 4 رسائل 5 بالكتير اوي بعد ما نظبط يعنى

خلاص انا موافقه على اقتراحتكوا

يعنى انا رى تبعتى كل يوم ويوم يعنى تشوقيه زى ما سارة قالت وتنتظرى يوم تقوليله انت عملت اول خطوه طيب لو نجحت فيها ندخل على الا بعدها وهكذا ايه رايك ؟؟؟؟؟؟؟؟؟؟؟؟

ممكن نستعين بلجنة الغرافيك و الاعلام لتصميم صور و غيرها تساهم في توصيل المعنى

لالالالالالالا اعتقد تكون حسب الموضوع ان شاء الله علفكرة لجنه الغرافيك عندها شغل كتير محتاجينه منها بس نبتدى المرحله وهما باذن الله يصممولنا كل شىء الله معكوا

كويس اوى جزاكى الله خيرا شموخ

اقتراح الاخت ساره جميل جدا وجميع الاقتراحات الاخري ايضا جيده

ان شاء الله يتم تنفيذ هذة الاقتراحات قريبا فلنعد العده ابتدا العمل من جديد

ان شاء الله يارب بس ياريت تفضلوا بالحماس دا دايما وتكونوا معانا ونفضل ايد واحده وقلب واحد وهدف واحد ومازلت بقولها وهقولها لاخر يوم فى عمرى وهنفضل لاسلامنا ان شاء الله

دى مش اوهام وهفضل طول عمرى مصممه على راى حتى لو متحققش المهم اكون عندى همه ونيه واسعى للخير وميهمنيش راى اى حد ولا اتاثر باى حد ولسه عند كلمتى

ممكن نغلق هذا الموضوع و نهتم بالأهم!
ياريت ما تفهموني غلط... و لكن عندنا شغل اهم من هذا الكلام..

اسماء، انا شفت هذا الموضوع
https://hwhk.yoo7.com/montada-f7/topic-t502.htm
هذا هو الشكل النهائي لللرسائل؟؟؟؟
و هي جاهزة للنشر؟؟؟

ايوة ياسارة دا الشكل النهائى بتاعها وهى فعلا جاهزة للنشر وانا بتمنات ان اى حد فى لجنه الغرافيك يعملنا بورشور او اتنين عن موضوع الصلاه نبعته مع الرسائل