الخطوة2: البحث - موضوعنا الاول " الصــلاه" انتهى العمل

السلام عليكم ورحمة الله وبركاته

زى ما اتفقنا كلنا يا جماعه انه اول موضوع هيكون الصلاه
وكلنا هنشتغل فيه
واخونا ghost مشكور نزل موضوع عن الصلاه
ولكن احنا اتفقنا هنقسمه نقط وكل واحد ياخد نقطه
ويبحث فيها كويس وبعدين يكتبها باسلوبه
اسلوب شيق مختصر واضح به كل المعلومات اللازمة
وممكن يكون فى قصه قصيره مشوقه

وبعد ما كل واحد يكتب النقطه الملزم بيها يعرضها هنا عشان كلنا نتابع مع بعض
ويطلع الموضوع بشكل لائق ومفيد


ودى بعض نقاط جمتها من خلال البحث
كل واحد يختار نقطه يشتغل عليها ويكتب هو هياخد اى نقطه
لو حد حابب يضيف نقط يضيف

1-تعريف الصلاه وحكمها

2-فضل وثواب الصلاه

3-الصلوات المكتوبه

4-شروط الصلاه "تشمل على من تجب الصلاه"

5- موانع الصلاه"تشمل من تسقط عليه الصلاه"

6-كيف تصلى "وتشمل طريقه الوضوء "

7 -عقوبة ترك الصلاه

8- الخشوع في الصلاة

بس ده اللى وصلتله لو فى حاجة تانيه يا جماعه ياريت تقولوا
يمكن انا نسيت حاجة او غلطت فى حاجة

ولو دى النقط انا هاخد

1 و 2

لان انا مش عارفه في كام هنا

تمام كده

انا ممكن ابدا فى اى نقطة انتم عايزينى ابدأ بيها بس حد يقولى ابدأ بأى جزء عشان لا يغضب احد

لا يا اخى
حضرتك اختار النقط اللى انت تحب تشتغل عليها
وليه بس هنغضب احنا كلنا ايد واحده فى العمل ده
وكله لله
حضرتك اختار واكتب اللى اخترته عشان محدش تانى يختاره

وانا اخترت 1و 2

 انا هاختار النقاط 3 و4 و5

السلام عليكم ورحمه الله وبركاته افكار رائعه يا رودى جزاكى الله خيرا كنت اتمنا اكمل شغل فى اللجنه بس معليشى الظروف والمشغوليات اقوى منى على العموم انا متبعاكم وماختى حسنا انتى ممكن فى هذة اللجنه تنزلى النقاط الا انتى اخترتيها وتكتبى عنها فى موضوع جديد وبعدين الاعضاء هيحاولوا ينقلوه للايميلات بس بعد ما لجنه

حسنا حبيبتى انتى جيتى
اهلا بيكى يا حبيبتى
خلاص تمام زوديها واكتبيها ولما تخلصى ابقى نزلى موضوع فى النقط
وان شاء الله نبقى نجمعهم كلهم فى توبيك واحد وبالنسبه ان مين يبعت
هنرتب بقى ونشوف الاعضاء اللى فى اللجنه ونقسم الشغل ان شاء الله
انا تحت امرك يا سنسن فى اى حاجة
.......

اسماء حبيبتى ازيك يا قمر عامله ايه يارب تكونى بخير
خلاص يا حبيبتى ولا يهمك ربنا يعينك يارب
كفايه اللى انتى بتعمليه
ربنا معاكى

حسنا كتب:

رودى تسلمى على الموضوع والتنظيم بتاعه ويارب يجعله فى ميزان حسناتك

انا ممكن اخد 6 و7 ان شاء الله

بس ممكن اضيف نقطه

الخشوع فى الصلاة

تسلمى ياقمر ولو انى خلاص اتعودت منك على التميز فى شغلك فاكيد مش مستغربة

ممكن بقى اسألك سؤال بما انى قررت انكوا تتبنونى لغاية بس مااخد على المنتدى لانى تايهة اوى فيه ومش فاهمة حاجة

معلش الحاجات اللى هنكتبها دى هنحطها فين وكمان انا كنت قرات ان الحاجات دى هننشرها فى منتديات تانية او مواقع وكمان هتتبعت لايميلات ده احنا اللى هنعمله واللا الادارة

معلش بقى انا عارفة انى تعباكم فى كل مكان تروحوه

سلااااااااااااااام

مرحبا بك حسنا
ماشاء الله البنات جاوبوك
و انا رح اعطيك رابط طريقة العمل في اللجنة، فيه كل الخطوات
https://hwhk.yoo7.com/montada-f7/topic-t231.htm
الان نحن في الخطوة رقم 2 (البحث)

و كل التفاصيل الاخرى موجودة في قسم اللجنة
https://hwhk.yoo7.com/montada-f7/

لا تترددي في وضع اي استفسار اخر
بالتوفيق

تم اضافة نقطة الخشوع في الصلاة 8

رأي:

ياريت بداية المواضيع تكون بطريقة غير مباشرة و العنوان كذلك

لماذا؟

مثلا، واحد ما يصليش، هو اكيد يعرف انو ذنب و رح يتعاقب و مع ذلك ما يصليش
لو احنا قلنالو تعال اكلمك عن الصلاة هو في اغلب الاحيان، مش رح يسمع
لانو عارف غلطو......

اتمنى ان فكرتي وصلت
مارايكم؟

انا بخير رودى ربنا يوفقكم يارب بس انا متبعاكم ومتابعه شغلكم والله وقلبى معاكوا حبيبتى ولما اكون عندى وقت فاضى مش هبخل عليكوا باى مساعده

السلام عليكم ...

احب اختار النقطة 8 ... يعني دلوقتي لازم ندور و نكتب مقالات
بطريقتنا؟؟ ...

اكيد رح نعملها بطريقة غير مباشرة ...

بس ننزلها فين .. هون على نفس الموضوع ؟؟

فكرتك حلوة ياسارة ودا الا كنت اقصده فى بدايه كلامى ياريت اعضاء اللجنه يحطوال الكلام دا فى بالهم وينفذوه وربنا يوفقكم

rabab كتب:

السلام عليكم ...

احب اختار النقطة 8 ... يعني دلوقتي لازم ندور و نكتب مقالات
بطريقتنا؟؟ ...

اكيد رح نعملها بطريقة غير مباشرة ...

بس ننزلها فين .. هون على نفس الموضوع ؟؟

المطلوب هو البحث عن مراجع ممكن تفيدمك في الموضوع
و تكتبي الموضوع باسلوب سهل
ينشر الموضوع في قسم اللجنة
https://hwhk.yoo7.com/montada-f7/
في موضوع جديد

هذه طريقة العمل في اللجنة اكيد رح تفيدك
https://hwhk.yoo7.com/montada-f7/topic-t231.htm

بالتوفيق

اولا اسفه على الغياب الفتره دى
بس كانت شوية ظروف الحمدلله

انا مع فكرتك يا ساره
وياريت حد يكون اسلوبه حلو يتطوع ويكتبلنا مقدمه
حلوه وشيقه تكون فى بداية كل رساله تتبعت

شموخ عزى
رباب
منورين يا بنات وربنا يوفقنا جميعا

وان شاء الله انا انزل النقطتين اللى اختارتهم
النهارده بس بالليل شويه اكون ظبطتهم خلاص
عشان مش لحقت اكتب حاجة الكام يوم اللى فاتوا

بالتوفيق

السلام عليكم و رحمه الله و بركاته
فكرة جميلة جدا عمل مقدمة للموضوع
و ساقول لكم مجرد مقدمة لاحد شيوخنا
إن الحمد لله نحمده ونستعينه ونستغفره، ونعوذ بالله من شرور أنفسنا ومن سيئات أعمالنا، من يهده الله فلا مضل له، ومن يضلل فلا هادى له.

وأشهد أن لا إله إلا الله وحده لا شريك له، وأشهد أن محمداً عبده، ورسوله:

{يَا أَيُّهَا الَّذِينَ آمَنُواْ اتَّقُواْ اللّهَ حَقَّ تُقَاتِهِ وَلاَ تَمُوتُنَّ إِلاَّ وَأَنتُم مُّسْلِمُونَ} سورة آل عمران: 102.
اما بعد فنحن مجموعة من الشباب هدفهم خدمة الدين سواء داخليا للمسلمين او فى الخارج بتوعية غير المسلمين
و رابط مشروعنا

ثم نبدء بوضع الموضوع
و يا ريت لو نضع هذة المواضيع فى المنتديات فهذة ستكون دعاية لمشروعنا و توعية فى نفس الوقت

جزاك الله خيرا اخى ان شاء اللله تكون بعين الاعتبار هذة المقدمه