ارجوووووكم ارجو الافاده يا اخوتي في الله

بسم الله الرحمن الرحيم

السلام عليكم ورحمة الله وبركاته

اخوتي نعلم جميعا ان هدف المشروع هدف رائع ونبيل وجميعنا يرنو للوصول اليه حتى نتجه الى الله بعمل راجين رضاه والقبول

ولكن ......

يا اخوتي استوقفني سؤال هام جدا ........ ماهو الهدف الحقيقي من زيادة اعداد المسلمين وما الذي يجعلنا نحن الشباب نتحرك ونبذل جهدا للوصول الى غير مسلمين في الغرب والعرب وحتى المسلمين من العرب ماهو الهدف من تصحيح اسلامهم هل هو زيادة اعداد المصلين في المساجد يوم العيد وفي الجمعه كما يقوم الباقيين ام ان يلتزمو المساجد اكثر ام زياده عدد من يقول لا اله الا الله في الارض

قال رسول الله صلى الله عليه وسلم (تتكالب عليكم الامم كما تتكالب الاكلة على قصعتها قلنا امن قلة يارسول الله , قال بل من كثرة ولكنكم غثاء كغثاء السيل )
اخوتي في الله نحن لسنا قلة بل كثر ومن سندخلهم باذن الله في الاسلام سيزيدونا عددا ولكن هنا السؤال ....

ماذا قدمنا الى الله سبحان وتعالى ماذا قدمنا لاخواننا المسلمين في غزه .... نعم في غزه اليسوا مسلمون حقا السنا مسؤولون امام الله تعالى عنهم كما نحن مسؤولون عن نشر الاسلام لماذا لا نجعل لهم بجانب مشروعنا الرائع قسما نفكر سويا ونتحرك لنصرتهم

اخوتي لقد تحرك لهم النصراني واليهودي ولم نتحرك نحن

اخوتي لم اكتب هذا الكلام هنا الا لعلمي انكم مجموعه رائعه متحركه تبحث عن رضا الله فلماذا لا نبحث عن ما ينجينا من حساب الله يوم القيامه, قوافل شريان الحياه لجلاوي تقطع الدول الاوروبيه كلها لتعلن عن وقوفها بجانب اهلنا وهم لم يحتاجو اإلى لقب مسلم ,نعم الان اصبح كلمة مسلم لقب لكل من يحمله ولا يطبقه

قال رسول الله صلى الله عليه وسلم ( من لم يهتم لامر المسلمين فليس منهم ) واخوف مااخافه ان نشهد ان لا اله الا الله ثم نمرق من الدين كما يمرق السهم من الرميه وذلك لعدم اكتراثنا لما يحدث للمسلمين

لقد تحمست كثيرا لمشروعنا ولكن تذكرت اننا كثر وزيادتنا ستشهد علينا يوم القيامه لما لم نقدمه لله تعالى حيث سيسألنا ربنا عن المسلمين

اخوتي علينا ان نفكر جيدا لنصرة اخوتنا في غزه لنصرة الاطفال والنساء والشيوخ من الجوع والعطش اخوتي حتى اقل اساسيات الحياه الارض تريد الحكومه المصريه الغير رشيده ان تهدمها بوضع السور الفولاذي بين غزه ومصر والانكى انها ستغرق الاراضي الفلسطينيه بدأ بالانفاق بمياه البحر

اخوتي اعتذر عن الاطاله ولكن هناك الم يحرق القلب على مشروعنا الذي سيكون حجه علينا لا حجة لنا يوم القيامه

اقول قولي هذا واستغفر الله لي ولكم والسلام عليكم ورحمة الله وبركاته.

اختكم في الله

راجيه من الله

فعلا انا معاكى جدا جدا يا راجيه وكلامك رائع وبجد لازم نفكر فى شىء مهم نعملوا علشانهم بجد هما محتاجينا بس احنا بندعى ليهم بما اننا لسه معندناش سلطه نوصلهم ومنقدرش نخرج فى مسيرة حاليا فا هنعمل ايه احنا بنتبرع على اد ما نقدر وبندعلهم ربنا معاهم يارب لو عندك فكرة نعملها من اجلهم احنا هننشاء القسم وعرفينا الفكرة وجزاكى الله خيرا

السلام عليكم
كلامك كلو واقعى وسليم بس احنا مش قادرين نعمل حاجه غير الدعاء ليهم ولعل ربنا يجعل المشروع سبب فى هدايه مين بايده يعمل حاجه تساعدهم وباقى المسلمين المحتلين فى العالم واحنا ان شاء الله يكون لينا دور فى تحرير العالم العربى والمسلمين من الافكار اللى محتلاهم وباذن لما نكبر ويكون لينا سلطه او حدمنينا يسمع كلام المسلمين ويحس بيهم نبقى نعمل كل اللى نقدر عليه

اخوتي عاشقه ومسلمه مصريه سلام الله عليكم ورحمته وبركاته

اخوتي واحبائي انا لا اقوى على التعبير عن سعادتي بردكم الرائع احمد الله عز وجل ان هناك من ينبض قلبه بالايمان فالحمد لله الذي بنعمه تتم الصالحات

اما بالنسبه للي نقدر نعمله يا احبايبي احنا ممكن نشوف ازاي اتحرك الغربيين لاخواتنا دافع الرأفه بهم نزع كل الحواجز والقيود فمابالكم انهم اخوتنا نحن المسلمون بني جلدتنا ومن لحمنا دمهم دمنا ودينهم ديننا ولسانهم لساننا يجب علينا ان نفكر بشيء ولو كان بسيط

انا اقترح ان نقوم بتنظيم قافله على ادينا ونتجه اليهم يمكن تكون الفكره بالنسبه لينا صعبه او جديده ولكن ربنا معانا وعالم بهدفنا ونيتنا وربنا وحده اللي بيعين وبيوفق

ياجماعه احنا قليلين مش كتار لكن لازم نبقى عند ربنا كتار وكبار لازم ندور على حاجه نعملها

انا بقترح حكاية القافله ننظمها ونشوف ويسألو الشباب اللي قلبهم على الدين ونفسهم يعملو حاجه لله تعالى يسألوا واحنا نتعاون ونظمها ونتوجه للمسلمين والله والله حتى لو ماعدينا يمكن نكون بدايه او مشجع لغيرنا ويقدر ويوصل ويمكن ربنا ينفخ في صورتنا ونطلع احنا مش اقل من اليهود والنصارى عشان نبقى اقل شجاعه

اخواني واخواتي انا شايفه فيكم روح وامل فقدته عند ناس كتير اوي ياااارب حلمنا في تقديم شيء للاسلام والمسلمين يتحقق
قولولي رأيكم وردكم وان شاء الله انا من جهتي هحاول وكلنا نحاول بس المهم نبقى ايد وحده في الوصول لهدفنا

اختكم المحبه في الله

راجيه

السلام عليكم
انا معاكى اختى فى اقتراحك الجميل ولكن مين اللى هيساعدنا فى تنظيم القافله لازم برضو يكون فى حد عندو المقدره بانو يروحو هناك او حتى عندو مقدره انو يرسل القافله
اذا كان فى حد جاهز فاحنا مستعدين

طيب كويس جدا يعني المهم انتم عندكم الاستعداد للمشاركه صح

سيبوا الباقي عليا باذن الله تعالى انا اصلا عضوه في شباب حزب العمل الاسلامي المصري وهناك بننظم مظاهرات ووقفات وحجات كتيره هكلمهم في موضوع القافله وان شاء الله ربنا يوفقنا

بس ادعوا يابنات بصدق ان ربنا يكرمنا ويوفقنا فعلا في حكاية القافله هنبقى حاولنا نقدم حاجه لأهلنا في غزه حتى لو على قد مانقدرالمهم بنحاول احنا نتفق نصلي اليوم ركعتين قبل الفجر وبعديها الشفع والوتر يعني كان صلاة قيام خفيفه ركعتين بس وندعي فيها لان سهام الليل لا تخطيء والدعاء فيها رووعه يابنات احنا يمكن هنحاول وهنتعب بس والله رضا ربنا علينا هيفرحنا جدا جدا وكل اللي يقرا الموضوع يحاول يصلي الركعتين ويدعي وان شاء الله ربنا يكرمنا يااااااارب

ادعولي ربنا يكرمني في حكاية التنظيم وانتم خليكم معايا مستعدين وربنا معانا كلنا

اختكم المحبه جدا جدا

راجيه من الله رضاه

السلام عليكم
احنا باذن الله معاكى خطوه بخطوه ويارب يارب ننجح فى عملنا وان شاء الله النهارده كلنا والحمد لله صايمين عند الفطار ندعى كلنا بان ربنا يوفقنا

موضوع حلو و فكرة جميلة
جزاك ِ الله خيرا
و انا عندى تعليق على موضوع السور ده بس هاقوله فى الاجازة

ان شاء الله نسمع تعليق حضرتك ونتفاعل معاه وربنا يكرمنا كلنا ونبقى ايد وحده دياما

اشكر لك تفاعلك الايجابي

عندك حق اختى الكريمة
ولا يمنع هذا من أن يكون الدعوة الى الله للمسلمين وغير المسلمين من فضل الأعمال وأعظمها أجرا
واقترح استبدال حملة لتعارفوا بالشغل بتاع غزة
ايه رأيكم ؟

والله حضرتك مش عارفه اذا كنت فهمتك صح ولا لاء بس على حسب فهمي ان حضرتك عايز تعمل حاجه لأهل غزه واذا كان فهمي صحيح يبقى بعد اذنك توجه لموضوع نصرة الاسلام والمسلمين اللي انا نزلته هنا في القسم وياريت تعطيني رأيك فيه

وشكرا جزيلا لك